Shembja e një mbikalimi në Kalkuta të Indisë ka lënë të vrarë të paktën 14 persona dhe dhjetra të tjerë të plagosur, raporton BBC.
Mësohet se shumë njerëz kanë mbetur të bllokuar pasi ura u shemb në kohën kur trafiku ishte tepër i ngarkuar.
Nga të dhënat paraprake, shkaku i shëmbjes është neglizhenca e inspektimit si dhe përdorimi i materialeve ndërtuese nën parametrat e lejuara.
Mbikalimi me gjatësi prej 2 kilometrash, ishte në ndërtim e sipër që nga viti 2009, duke kaluar kështu disa afate të përfundimit të projektit.
