Me prezantimin e festivalit të Sanremos, Alketa Vejsiu shënoi një hap të rëndësishëm në karrierën e saj gjatë vitit 2020. Pikërisht për këtë arsye, ajo ka qenë një ndër personazhet e përzgjedhur nga “Opinion”, ndërsa ka ndarë disa nga momentet më të veçanta nga kjo eksperiencë.
“Në fakt nuk ishte moment që shënoi jo vetëm 2020 , por mbase gjithë karrierën time televizive. Edhe nga pikëpamja profesionale mund të them që ishte një moment kulmor, absolutisht një kënaqësi shumë e madhe që ka shpërblyer 20 vite punë, që 14 vjeç në median shqiptare. Me peshën e kombit që përfaqësoja, edhe pse shkova për realizimin e ëndrrës personale, Shqipërinë e kisha me vete dhe kisha krenarinë e këtij vendi. Doja t’i përfaqësoja sa më mirë bashkëkombësit e mi. U bë e mundur që 3 herë të flitej shqip përpara 60 milionë italianëve”, u shpreh prezantuesja.
Por duket se në horizont, po shfaqet mundësia për një përvojë tjetër në Saremo. A është gati Alketa t’i thotë po një tjetër prezantimit?
“Mediat italiane e kanë kandiduar emrin tim, kur të jetë zyrtare unë do t’ju them sa bukur dhe sa e mrekullueshme do jetë, nëse do ndodhi për të dytën herë. Unë e ndaj jetën time mes Shqipërisë dhe Italisë dhe jam shumë e lidhur me Italinë”, u shpreh Vejsiu duke e cilësuar Saremon si pika më e lartë nga ku mund ta nisi karrierën një njeri që njihet pak, por që mori maksmimumin e asaj që mund të merrnin edhe shumë prezantues televiziv që s’i kanë shkelur ndonjëherë ato shkallë./Opinion.al
