Duket se ambulanca po kthehet në modë në stadiumin “Skënderbeu” të Korçës. Pas incidentit të rëndë të ndodhur një javë më parë kur vëllai i futbollistit Tefik Osmani u transportua me urgjencë në spital pasi ra nga tribuna në këtë stadium, sot është dëmtuar rëndë edhe mbrojtësi Bajram Jashanica. Për këtë shkak është dashur që në stadium të vijë edhe njëherë ambulanca. Mbrojtësi kosovar i Skënderbeut, ka dëmtuar gjurin në minutat e fundit të lojës. Mësohet se bëhet fjalë për një dëmtim të rëndë, por vetëm pas rezonancës magentike do të mësohet më mirë shkalla dhe kohëzgjatja e dëmtimit.
