Sekretari për shtyp i presidentit Trump, Sean Spicer, në deklaratën e tij të parë nga Shtëpia e Bardhë u përplas me mediat dhe raportimin që ato i bënë ceremonisë së inaugurimit.
Spicer ka kritikuar ashpër mediat, sipas të cilit u përpoqën të ulnin entuziazmin e inaugurimit të Trump nëpërmjet raportimeve mbi numrin e njerëzve në turmë, si dhe busti i Martin Luther King në Zyrën Ovale.
Më një ton të ashpër ai ka këmbëngulur se audienca e inaugurimit të Trump ishte shumë e madhe, si në vend ashtu edhe në gjithë botës.
Ndërsa fotot e publikuara nga mediat amerikanë tregojnë qartë se turma nuk ngjason me atë që ishte mbledhur në vitin 2009, gjatë betimit të Barack Obamës, ditë në të cilën ishin mbledhur rreth 1.8 milionë njerëz.
Ekipi i Trump doli në këtë deklaratë për shtyp, pasditen e të shtunës, kohë në të cilën mediat po transmetonin protestat e grave në gjithë vendin./ opinion.al
https://youtu.be/8llFHHAkGcw
