Samuel Eto’o sulmoi brutalisht një burrë duke e goditur në kokë jashtë stadiumit ku luhej ndeshja Brazil – Kore e Jugut.
Pamjet e incidentit, u shpërndanë në rrjetet sociale. Është e paqartë se çfarë e shkaktoi këtë sjellje, me sulmin që erdhi vetëm pak sekonda pasi Eto’o u shfaq i lumtur për të pozuar për foto me fansat.
Eto’o, i cili e përfundoi karrierën e tij si lojtar në Katar në vitin 2019, është Presidenti aktual i Federatës së Futbollit të Kamerunit. 41-vjeçari ka qenë në Katar si një ambasador i trashëgimisë globale për FIFA-n.
Reagimi i fortë i tij erdhi vetëm ndaj një peroni, me gjasë pasi ky i fundit që po e filmonte duhet t’i ketë shprehur diçka që ka shkaktuar irritimin e ish-futbollistit.
Njerëzit që shoqëronin Eto’o përpiqen ta mbajnë, por ai duket qartë që e godet fort, pasi i kishin marrë nga dora edhe kamerën me të cilën po filmonte.
Mbeten të paqarta rrethanat teksa ende pritet reagimi i Eto’o për të argumentuar sjelljen e tij.
https://youtu.be/5PgEssVAtwM
