Nuk është më lajm i ri tashmë që Saimir Tahirin ta shohim në rolin e këngëtarit. Në shumë aktivitete festive e kemi parë të ngjitet në skenë dhe të këndojë LIVE këngët e tij të preferuara, edhe gjatë kohës që ishte ministër i Punëve të Brendshme. Por ajo që surprizon është Elisa Spiropali, Sekretarja për Rininë në Partinë Socialiste.
Pas takimit në sheshin “Skënderbej” që Partia Socialiste pati me të rinjtë që votojnë për herë të parë, përfaqësues të kësaj force politike dhe të rinj të FRESSH kanë zgjedhur të festojnë në mbrëmje në ambientet e një klubi me muzikë Live në kryeqytet.
Veçse këtë radhë, në krah të Saimir Tahirit në skenë ishte edhe Elisa Spiropali. Një duet mes tyre me këngën “Endërroj” të këngëtarit të mirënjohur shqiptar Altin Goci. I pranishëm edhe vetë në skenë, këngëtari ka shoqëruar Tahirin dhe Spiropalin, sigurisht duke i marrë atyre “radhën” në pjesët më të vështira të këngës.
http://www.dailymotion.com/video/x5i83yh_tahiri-dhe-spiropali-kendojne-me-te-rinjte-e-fressh_news#tab_embed
