Deputetja Rudina Hajdari është bërë kohët e fundit protagoniste në politike, pas refuzimit për të djegur mandatin si dhe kërkesave të saj për të ndryshuar sistemin zgjedhor në vend.
Por duket se gafat, ndjekin nga pas deputeten e re, që kërkon të marrë mbi supe më shumë se sa përballon.
Këtë të mërkurë, gjatë seancës plenare ajo ka kërkuar një minutë heshtje në Kuvend për ngjarjen e ndodhur në 6 maj në Letoni, ku humbi jetën Zarife Hasanaj dhe u plagosën dy oficerë.
Por Rudina Hajdari në fjalën e saj tha se në këtë ngjarje të rëndë kishin humbur jetën tre ushtarakët.
Rudina Hajdari: Ditën e hënë, në datën 6 maj, humbën jetën 3 ushtarakë shqiptarë në Letoni, gjatë misionit të NATO-s. Do kërkoja…
Ndërhyjnë deputetët socialistë, duke i thënë për 1 të vdekur…
Rudina Hajdari: Tre, mund t’ja u them emrat…
Sërish ndërhyrje nga salla…
Rudina Hajdari: Dy të tjerë janë plagosur. Dakord…
Gramoz Ruçi: Vazhdoni zonja Hajdari…
Rudina Hajdari: Do i kërkoja Kuvendit të Shqipërisë, një minutë heshtje për zonjën Zarife Hasanaj që ishte 32 vjeç, e lindur në Bajram Curr, Tropojë.
Gramoz Ruçi: Zoti Balla të lutem…
Taulant Balla: Plotësisht dakord por mirë do të ishte që minuti i heshtjes të mbahet në fillim të votimit kur të gjithë deputetët të jenë njoftuar sepse askush nuk mund të mungojë në sallë në një moment të rëndësishme të respektit që ky parlament ka ndaj një dëshmoreje në emër të luftës për paqe që Shqipëria përçon kudo në botë.
Gramoz Ruçi: Edhe unë e përgëzoj zonjën Hajdari që bëri këtë propozim në fillim të kësaj seance. këtë e kisha edhe unë para sysh dhe padyshim që nuk mun të ishte jashtë vëmendjes së Kuvendi kjo ngjarje, ndaj po prisja momentin që të ishin edhe të tjerët, megjithatë nuk është nevoja të përcaktojmë një orë dhe na ta kryejmë ritualin në përmbushje të propozimit. Është e vërtetë ajo që thotë zoti Balla që po prismin një moment që të ishte një korum më i madh për të pasi ishte një rast i jashtëzakonshëm dhe ka konsensusin e të gjithë Parlamentit. Ftoj deputetë për të nderuar veprën e zonjës Hasanaj me një minutë heshtje./ Opinion.al
