Një shtyllë elektrike në anë të autostradës Tiranë-Durrës është thyer në mes, ndërsa kablli elektrik është përhapur mbi sipërfaqen e autostradës.
Siç mund të shikohet dhe në videon e mëposhtme, si pasojë e rrëzimit të shtyllës, në njërën anë të autostradës është krijuar një trafik i rënduar.
Sipas “BallkanWeb” një mjet që kishte ndaluar në afërsi të shtyllës është përplasur nga një tjetër nga pas duke goditur shtyllën, e cila pas disa minutash u këput.
Ndërkohë, në vendngjarje ndodhet policia e cila po ndihmon në lirimin e rrugës.
