Një aeroplan pasagjerësh në Pakistan që fluturonte nga Lahore është rrëzuar në një zonë banimi të dendur në Karaçi.
Fluturimi PK8303, që mbante 91 pasagjerë dhe ekuipazh me tetë persona, u rrëzua në afërsi të Aeroportit Ndërkombëtar të Jinnah.
Ministri i shëndetësisë i krahinës tha se të paktën 11 njerëz kishin vdekur, por i frikësohet një shifre më të madhe. Raportet thonë se të paktën një pasagjer i mbijetoi rrëzimit.
Avioni kishte humbur kontaktin me kontrollin e trafikut ajror menjëherë pas orës 14:30 të kohës lokale, tha një zëdhënës i linjës ajrore.
Kryeministri i Sindh, krahina ku u rrëzua avioni, ka shpallur një urgjencë në të gjithë spitalet e Karaçit.
Shkaku i përplasjes nuk është konfirmuar ende. Zëvendës shefi ekzekutiv i PIA-s, Zëvendës-Marshalli Arshad Malik tha që piloti i kishte thënë kontrollit të trafikut se avioni po përjetonte “vështirësi teknike”.
Dunya Neës i Pakistanit tha se kishte marrë një regjistrim të bisedës, gjithashtu të postuar në faqen e internetit të monitorimit liveatc.net.
Në të piloti thotë se ata kanë “humbur dy motorë”. Disa sekonda më vonë ai thotë “Mayday, Mayday, Mayday” dhe nuk ka komunikim të mëtejshëm.
Presidenti i Bankës së Punjabit, Zafar Masud ishte midis pasagjerëve dhe kishte mbijetuar nga përplasja, tha një zëdhënës i qeverisë së provincës Sindh.
Kryeministri i Pakistanit Imran Khan tha se ai ishte “tronditur dhe pikëlluar” nga përplasja, duke premtuar një hetim të menjëhershëm. /Opinion.al
VIDEO : CCTV footage of #PIA‘s #PK8303 Plane crashing.#PlaneCrash #Karachi #Pakistan pic.twitter.com/lWz22vBwQo
— Wasiq Cheema ? (@WasiqJaved) May 22, 2020
#Pakistan: Footage of a tragic crash of #PIA‘s PK-8303 today in #Karachi, while flying from #Lahore. #PlaneCrash pic.twitter.com/9xLtohEetd
— Islamabad (@Islaamabad) May 22, 2020
“Pakistan passenger plane crashes near Karachi airport” https://t.co/jYojjQcSLC
— Oriba L Dan, MD?? (@OribaDan) May 22, 2020
