Deputeti i PD, Ervin Salianji, ka qëndruar këtë të enjte gati 1 orë në ambientet e Prokurorisë së Posaçme kundër krimit të Organizuar dhe Korrupsionit (SPAK) Nuk dihen arsyet se pse deputeti është paraqitur në SPAK këtë të enjte.
Në një prononcim të shkurtër për mediat, pasi ka dalë nga Prokuroria e Posaçme, Salianji nuk ka pranuar që të sqarojë se pse është thirrur nga ky institucion.
Po ashtu ai theksoi se bëhet fjalë për një çështje që nuk është e rëndësishme aq sa për t’u ndarë me publikun.
“Nuk ka gjë për të thënë. E vetmja gjë që mund t’ju them është që siç e dini, se jemi parë shpesh bashkë, pothuajse në 30 vite të gjithë politikanët e tranzicionit nuk kanë qenë në këtë institucion aq shpesh sa kam qenë unë pavarësisht se vij nga bota universitare. Kështu që nuk ka asgjë për t’u ndarë me publikun, asgjë aq e rëndësishme për t’u ndarë me publikun”, tha Salianji.
