Ish-ministri i Shëndetësisë së Kosovës, Numan Baliç është arrestuar të enjten, pasi dyshohet se ka ngacmuar seksualisht një 23 vjeçare në spitalin rajonal të Pejës, ku aktualisht punon si mjek.
Ndërkohë, ditën e sotme, 23-vjeçarja që ka ngritur akuzën ndaj mjekut gjatë një rrëfimi për Klan Kosova, tregon se çfarë ka ndodhur në zyrën e Baliç.
Ajo kishte shkuar në spital për trajtimin e vajzës së mitur, që ndodhej e shtruar prej 17 ditësh. Sipas rrëfimit të gruas Numan Baliçi e ka ftuar në zyrë me pretendimin se do t’i tregonte disa pajisje për kurimin e vogëlushes.
“Më kapi për dore dhe më shtiu brenda me zor. Msheli derën, e ndali dritën. I thashë: Doktor çele derën se e thirra sigurimin.
Më kapi por nuk shihja se terr aty. Më tha: Po du me të mat pulsin e zemrës, me të mat tensionin. Më kapi, më shtrëngoi për krahu, me ledhatu trupin, me më puth qafës me zor. Unë u largova, e shtyva, mshela derën dhe ika”, ka treguar 23-vjeçarja në intervistën e saj, ndërsa shtoi se po i bëhet presion t’i tërheqë akuzat./Opinion.al
https://www.youtube.com/watch?v=PvVeJDi3yXs&feature=emb_logo
