Dje në mbrëmje u zhvillua ndeshja e kthimit midis Paris SG dhe Real Madridit për ‘Champions League’ ku Reali Madrid fitoi me rezultatin 2-1 duke u kualifikuar kështu për në fazën tjetër.
Përveç skuadrave, vëmendjen gjatë ndeshjes e morën edhe dyluftimet e zhvilluara në fushë midis lojtarëve.
Dyluftimi më i zjarrtë ishte ai midis Ronaldos dhe Dani Alvesit, ku vetëm pak minuta pasi ndeshja kishte filluar, Ronaldo i irrituar nga pozicioni jashtë loje donte ti nxirrte nervat tek Dani Alves duke e goditur atë me shqelm, por doli huq.
Kështu në pjesën e dytë Dani Alves vendosi të kundërpërgjigjej.
Gjatë një goditje këndi Alves duke parë që Ronaldo ishte i fokusuar shumë tek topi, ai fillimisht pastroi hundët dhe më pas i fshiu tek bluza e Ronaldos.
