Goditjet e dënimit të ekzekutuara nga Cristiano Ronaldo janë bërë legjendare në futbollin modern, me këmbët e tij që qëndrojnë larg njëra tjetrës, të hapura para goditjes së topit, fuqi, të thella dhe vrastare, me saktësinë e padisktueshme. Këto janë të gjithë elementë dhe cilësi të cilat duket se ylli i Real Madrid i ka përçuar edhe te djali i tij, Cristiano junior, të paktën bazuar në një video të cilën ka shpërndarë edhe vetë CR7, nëpërmjet rrjeteve sociale të tij.
Në klip duket djaloshi i vogël që gjuan një goditje dënimi në mënyrë të shkëlqyer dhe që përfundon në trekëndshin e portës, me një gjuajtje, për të cilën babai i tij duhe të jetë krenar. Natyrisht ylli portugez është impresionuar aq sa për ta shpërndarë videon në mënyrë të menjëhershme nga llogaria e tij në “Instagram”, shoqëruar me dixhiturën: “Boom”.
Në klipin 39 sekondësh, kundërshtarët e Ronaldo junior duket se janë të ndërgjegjshëm për aftësitë dhe reputacionin e tij, teksa edhe pse goditja është konsiderueshëm larg portës, portieri urdhëron një mur me tre futbollistë, madje duke vendosur futbollistë në secilën shtyllë. Ronaldo i rim err një vrull të gjatë dhe pasi një shok i skuadrës bën një vrapim mashtrues, ai gjuan topin si ekspert. Topi është ende në ngritje kur godet rrjetën, fiks te trekëndshi. Ndonëse topi shkon pranë krahut të portierit, të paktë janë futbollistët në atë moshë të aftë për t’iu afruar asaj gjuajtje. Mbase, tashmë është Ronaldo i madh që do të marrë ndonjë këshillë nga djali i tij, në vigjilje të finales së Champions League, në program për javën e ardhshme në Cardiff, përballë Juventus.
