Plot 3 mijë familje të varfëra janë lënë jashtë skemës së ndihmës ekonomike në qarkun e Lezhës që përfshin edhe Kurbinin e Mirditën. Për të analizuar situatën Prefekti mblodhi përfaqësues të Shërbimit Social dhe të bashkive respektive. Aty ka folur e revoltuar, përgjegjësja e Shërbimit Social në Mirditë, Marte Kola.
“Të gjitha gratë e veja, vajzat nëna, gratë e divorcuara, familjet ekstremisht të varfëra nuk kanë marrë pikët, po këta ku i humbën pikët. Po gratë e veja pse i humbën pikët se kanë humbur burrat, gratë veja pse i humbën pikët apo sepse rrisin të vetme fëmijë të vetmura, vajzat nëna pse i kanë humbur pikët se rrisin fëmijët vetëm dhe janë pjesë e abuzimit, ndaj këtyre duhet ti marrin se i meritojnë”, u shpreh ajo.
Prefekti Gjergj Prendi i ka kërkuar kreut të Shërbimit Social Shtetëror në Lezhë Keler Sufja që asnjë të mos sorrollatje për familjet që kërkojnë trajtimin me ndihmë ekonomike. “Atij që i takon ndihma nuk duhet të sorrollatet, nuk duhet ti thuhet të shohim por ti konfirmohet dhe ti sqarohet përse i takon apo përse nuk i takon”, tha ai.
E gjithë çështja është se Ministria e Shendetesise dhe Ceshtjeve Sociale ka ulur ndjeshem fondin, përkatësisht 7.1 milion në dhjetor 2017 në 4.4 milion në janar të 2018, ndaj situata ka degradruar në nxjerrjen nga skema e ndihmës ekonomike të shumë familjeve që vertet kanë nevojë për ndihmë nga shteti.
/Gjergj Figuri-Lezhe
