Reshjet e shiut që kanë rënë gjatë natës kanë shkaktuar përmbytje në disa zona të qytetit bregdetar të Durrësit.
Sikurse shfaqet edhe në video, uji ka arritur deri në nivelin e trotuareve te zona pranë stadiumit, duke shkaktuar vështirësi në lëvizjen e këmbësorëve dhe qarkullimin e automjeteve.
Më problematike mbetet situata në lagjen Nr.17 dhe 18, të cilat sa herë ka reshje me intensitet të lartë, përmbyten totalisht.
Sipas autoriteteve vendore, shkak për këtë situatë, janë bërë reshjet e shiut me intesitet të lartë por edhe bllokimi i pusetave nga mbeturinat qe sjell rrjedha e ujit.
