Reperja me famë botërore Cardi B gjatë një videoje live të filmuar para tre vitesh, ka rrëfyer publikisht se drogonte meshkuj dhe më pas u vidhte atyre paratë gjatë periudhës kur ishte striptiste.
Vetëm disa orë më parë videoja është bërë virale dhe gjithë interneti po flet për të. Pas gjithë zhurmës që shkaktoi, Cardi nuk ka ndenjur duarkryq, por ka reaguar përmes një postimi në llogarinë e saj në Instagram, duke treguar arsyen se përse ka bërë veprime të tilla.
26-vjeçarja pohoi se ajo e ka bërë gjithçka vetëm për të mbijetuar, ndërsa tani e vetmja gjë që mund të bënte, ishte të përmirësohej për veten dhe familjen.
“Po shoh në rrjetet sociale që videoja live që kam bërë para 3 vitesh është bërë virale. Në ‘live-in’ ku kam folur rreth gjërave që duhej t’i bëja në të shkuarën time, të drejta apo të gabuara, që duhet t’i bëja për të jetuar. Unë bëra atë që duhej të bëja për të mbijetuar! ”- shkruan ndër të tjera Cardi disi e trishtuar./Opinion.al
