Eshtë skualifikuar për dy vjet portieri i Long An, Nguyen Minh Nhut, që disa ditë më parë, në ndeshjen kundër Ho Chi Minh City, në shenjë proteste, ka refuzuar të presë penalltinë dhe i ka kthyer shpinën topit në momentin e ekzekutimit nga futbollisti kundërshtar. Dhjetë minuta para fundit të ndeshjes që ishte 2-2, gjyqtari akordoi një penallti për skuadrën vendase mes protestave të miqve, që shkuan deri aty sa u largua nga fusha. Me rikthimin në fushë, asnjë prej tyre nuk vraponte dhe ndeshja u mbyll 5-2.
Krahas dënimit nga Federata Vietnameze e Futbollit për portierin ,që refuzoi të priste penalltinë, është dënuar në të njëjtën mënyrë edhe kapteni Huynh Quang Thanh, ashtu si trajneri i ekipit. “Mungesë respekti për vendimet e gjyqtarit dhe dënim i reputacionit dhe nderit të gjithë futbollit në Vietnam,” – ishte komunikata e federatës. Skuadra Long An ka pranuar dënimin dhe ka kërkuar ndjesë për sjelljen e futbollistëve.
