Reperi, Noizy ka reaguar për herë të parë pasi lajmi i arrestimit të tij bëri bujë në media. Ai u ndalua mbrëmjen e së mërkurës nga Policia e Kosovës në pikën kufitare në Vërmicë dhe kaloi natën në Qendrën e paraburgimit në Prishtinë. Ndërkohë, sot u lirua pasi pagoi një gjobë të vendosur prej autoriteteve kosovare.
Pak minuta më parë, Noizy ka postuar një video në Instastory, duke konfirmuar kështu se tashmë është i lirë. Në pamje ai shfaqet në ashensor së bashku me mikun e tij.
Ndonëse nuk është konfirmuar ende, pista e parë ku dyshohet për ndalimin e reperit nga policia, është sherri i fortë që ka pasur në vitin 2016 me reperin Cozman.
