Kryeministri i Shqipërisë Edi Rama në cilësinë e kryetarit të OSBE-së ka vazhduar vizitat e tij në shtetin e Ukrainës.
Ditën e sotme Rama ndodhej në pikën e Kontrollit “Stanica Luganska”, aty ku ndahet zona e konfliktit mes Ukrainës dhe Rusisë. Gjatë kësaj vizite, dy ushtarakë ukrainas i kanë shpjeguar si funksionon kontrolli në këtë pikë kufitare.
Ndërkohë, Rama ishte i shoqëruar nga një personel i gjerë ushtarakësh e civilësh, pasi zona në të cilën ndodhej ka rrezikshmëri të lartë për shkak të konfliktit.
Po ashtu, në video shihet që shoqëruesit e Ramës janë të pajisur me jelek anti-plumb, në mënyrë të shmangin çdo rrezikshmëri./ Opinion.al
