Edi Rama ka qenë sot në Nivicë të Tepelenës përkrah kryebashkiakut Tërmet Peçi. Ai ka zgjedhur të postojë në Facebook si video propagandistike momentin kur takon një fshatar të zonës, për të cilin thotë se është kryetari i PD-së në Nivicë, por që do votojë PS-në.
Gjithsesi, e veçanta sipas Ramës është se Nivica është fshati i prejardhjes së Aurela Bashës, bashkëshortes së liderit demokrat Lulzim Basha.
Ndaj u ka bërë thirrje fshatarëve të mbajnë në zemër dhëndrin ndërsa votën t’ia japin PS-së.
Biseda
Kryetari i PD Nivicë: Na bëni rrugën.
Rama: Na jepni votën.
Kryetari i PD Nivicë: Jemi komunitet që mbajmë llafin. Në 25 qershor do votojmë për atë që bën punë.
Rama: Nivica, vend historik, vendi që ka dhëndër Lulzim Bashën.
Kryetari i PD Nivicë: Në 25 qershor do votojmë njerëzit që bëjnë punë.
Rama: Pra, dhëndrin në zemër, ama punëtorin në mendje.
Kryetari i PD Nivicë: Punëtorin në mendje se keni bërë punë. Veç mbaje llafin.
/Opinion.al
