Kryeministri Edi Rama ka pranuar dialog me opozitën e madje pa kushte dhe për cdo cështje, por sipas një postimi që ai ka bërë në FB, opozita nuk duhet të mbajë peng drejtësinë duke bllokuar Vetingun, që sipas tij çliron Shqipërinë, ekonominë, integrimin, punësimin, nga kthetrat e gjykatësve e prokurorëve të korruptuar.
“Dialog për çdo çështje dhe pa kushte me opozitën, edhe tek çadra po të duan, po opozita nuk duhet të mbajë peng Drejtësinë dhe të ardhmen e këtij populli duke bllokuar Vetingun që çliron Shqipërinë, ekonominë, integrimin, punësimin, nga kthetrat e gjykatësve e prokurorëve të korruptuar”, shkruan Rama.
Në videon e postuar në FB e tij, kur ka folur përpara mediave, Rama ka theksuar se sa për qeverisjen, është sovrani ai që vendos se kush do të jetë në opozitë dhe kush do të jetë në qeveri dhe është e drejta e tyre të qeverisen nga ata që kanë zgjedhur.
[fbvideo link=”https://www.facebook.com/edirama.al/videos/10154525613521523/” width=”500″ height=”400″ onlyvideo=”1″]
