Ditën e sotme kryeministri Edi Rama i shoqëruar nga ministri për Rindërtim Arben Ahmetaj, ka vijuar inspektimet në Gjepalaj në Shijak, në banesat e dëmtuara nga tërmeti i 26 nëntorit 2019.
“58 familje të kësaj zone, do ta festojnë Vitin e Ri brenda tyre dhe pas një mundimi e durimi të madh do të jetojnë në kushte më të mira se ato që kishin një vit më parë”, u shpreh Rama.
Teksa pa nga afër shtëpitë e reja, kryeministri u ndal edhe në shtëpinë e re të një familjari ku edhe ka hequr këpucët së bashku me ministrin e Rindërtimit Arhmetaj, pasi të njëjtin veprim e bëri kryefamiljari.
Ndërkohë, Rama ka shkëmbyer batuta me kryefamiljarin, duke i thënë se Ahmetaj ka marrë çorapet e tij.
Rama: Unë s’po i heq këpucët Osman, do të më falësh.
Osmani: Mirë është me i heq
Rama: Epo nuk po ta prish. Ahmetaj ka marrë çorapet e mia.
