Edi Rama në Asamblenë e PS tha se duam të shkojmë bashkë me LSI në zgjedhjet e ardhshme edhe pse kishte bindje se mund të fitojë edhe vetëm. Duke folur para anëtareve të asamblesë ai citoi edhe disa pakënaqësi që i vinin nga socialistët për “ata të LSI-së”.
“Nëse do të donim pushtetin për 4 vjet mund të fitojmë vetëm, por qëllimi strategjik është të jemi bashkë në koalicion me LSI-në. Shumëkush mund të thotë se ata na nxorrën bojën, ata kështu e ata ashtu”, tha ndër të tjera Kryetari i PS, Rama. Sipas tij, i madhi ka të drejtë të thotë çfarë të dojë ndërsa i vogli ka të drejtë të mendojë.
Kryeministri foli për me tepër se 60 minuta për arritjet dhe reformat e qeverisë. I pakënaqur, madje krejtësisht refuzues Rama tha se është me të gjithë ata që e akuzojnë ministrin e Brendshëm për mos kapjen e Kelment Balilit. Luftën kundër krimit ai e krahasoi me qeverinë e mëparshme.
Rama e akuzoi kundërshtaret për politiken e përbaltjes. Kryeministri foli edhe për reformën në drejtësi, duke thënë se me lënien në fuqi të ligjit të vettingut nga Gjykata Kushtetuese, në pallatin e drejtësisë sapo ka nisur tërmeti.
