Sot kryeministri Edi Rama ndodhet në Maqedoninë e Veriut në kuadër të Forumit Ekonomik.
Kreu i qeverisë shqiptare së bashku me Presidentin e Serbisë Aleksandar Vuçiç dhe kryeministrin e Maqedonisë së Veriut Zoran Zaev kanë shëtitur në Shkup, ku janë takuar dhe me qytetarë.
Teksa kalonin në rrugët e Shkupit, tre liderët kanë bërë foto me qytetarë, teksa shumë të tjerë kanë ndaluar për ti përshëndetur.
Vizita e Kryeministrit Rama në Shkup është në kuadër të Forumit Ekonomik me sesionin “Ballkani i Bashkuar”, që me sa duket do të jetë dhe emri i ri i asaj që njihet deri tani si “Minishengeni”, ose “Shengeni Ballkanik”.
