Parlamenti shqiptar prodhon herëpashere edhe situata komike.
Një e tillë ka qenë edhe ajo sot, kur në momentin që kryeministri Rama fliste nga foltorja, deputeti demokrat Endri Hasa është çuar të dalë jashtë nga salla e Kuvendit.
Në këtë moment rojet e sigurisë së Kuvendit kanë lëvizur nga vendi i tyre dhe janë drejtuar drejt Hasës, pasi kanë kujtuar se ky i fundit do qëllonte Ramën.
Kujtojmë se në muajin dhjetor deputeti Hasa ishte ai që qëlloi Ramën me vezë, ndërsa ky i fundit ishte në foltore.
Vetë Rama e ka shoqëruar me sy momentin e sotëm, ndërkohë që këtë herë nuk pati vezë të lëshuara ndaj tij nga deputeti Hasa. D.l
