Aeroporti i Kukësit është një premtim i pambajtur i Qeverisë. Ai nisi të ndërtohej në 2002 dhe ka të paktën 5 vite që ka përfunduar, por qendron i kyçur. Pengesë për vendosjen në punë është bërë marrëveshja koncesionare me aeroportin e Rinasit. Kryeministri Edi Rama gjatë vizitës dje në Kukës, premtoi dhe një herë se aeroporti do të vendoset në punë dhe madje do të jetë disa herë më i madh. “Deri në javën e dytë të dhjetorit do të mbyllet procedura dhe më pas një nevojitet një periudhë e shkurtër për përcaktimin e kontratës dhe ambicia është që brenda muajit janar të vitit që vjen, maksimumi në shkurt do të nisë punë për kantierin e ri të Aeroportit në Kukës. Dua të theksoj se nuk bëhet fjalë për çeljen e aeroportit që kemi, por bëhet fjalë për një aeroport të ri”, tha Rama.
Ai nuk u mjaftua me këtë fjalim para kukësianëve, por nxorri dhe një foto në facebook, ku shkruan “Aeroporti i Ri i Kukësit dhe një paralajmërim: Mos përgojoni 3D se sot një vit, në realitet do jetë më i bukur se këtu”.
Por me një kërkim të thjeshtë në internet, del se projekti “3D” i Ramës nuk është gjë tjeter vecse një foto e shkëputur nga projekti për rikonstruksionin e aeroportit të Kutaisit në Gjerorgji, prezantuar në 2017.
Kjo nuk i ka shpëtuar as ish-kryeministrit, Sali Berisha, i cili në një status në facebook, shkruan:
“Ja si mashtron kryeshpifesi, kryemashtruesi funderrine dhe llum njerezor per aeroportin e Kukesit!
Shikoni foton, ne te cilen provohet se Kallam Deshtaku iu serviri kuksianeve dhe mbare shqiptareve foton e projektit te nje aeroporti ne Gjeorgji si foto te aeroportit te Kukesit.
Si tha, “Mos pergojoni 3D-ne”??? Ky e ha turpin me buke. Ja qe rezulton se ajo 3D-ja, projekti aeroportit te Kukesit qe paraqiti dje eshte projekt i nje aeroporti ne Gjeorgji. Shihni fotot dhe per me shume klikoni linkun e videos.3D-te jane identike. Mire qe eshte kujdesur te heqi ujin dhe shinat e trenit”
*Shihni videon më poshtë të aeroportit në Gjeorgji
