Kryeministri Edi Rama ka postuar një video në Facebook, ku duket kur vrapon Zaho teksa ndjek një top basketbolli, në një nga fushat në Lungomare.
Rama ndodhet në Vlorë që prej ditës së djeshme, kur PS mbylli fushatën elektorale, ndërsa duket se edhe këtë të shtunë do ta kalojë në qytetin bregdetar, ku ai kandidon për deputet për mandatin e dytë radhazi.
E shtuna është heshtje zgjedhore dhe një ditë përpara zgjedhjeve, ligji, konkretisht Kodi Zgjedhor, ndalon çdo parti të bëjë fushatë apo propagandë drejtuar zgjedhësve.
