Kryeministri Edi Rama ka inspektuar këtë të enjte shkollën e rindërtuar “Bedrie Bebeziqi” në qytetin e Durrësit, e cila u dëmtua nga tërmeti i 26 nëntorit të vitit 2019. Në këtë vizitë kryeministri është pritur nga stafi i shkollës ndërsa fillimisht i kanë matur temperaturën. Në këtë moment nuk kanë munguar edhe batutat: “Sa është? 74 apo 75?!”, ka thënë Rama ndërsa mësuesi është përgjigjur: 75.
Ndërkohë, Rama është pritur edhe me një tortë, të cilën vetë kreu i qeverisë ia serviri stafit. “Ne na akuzojnë që na akuzojnë që i përdorëm për fushatë këto shkolla, por si kemi përdorur, se 12 janë (shkolla të përfunduara)”, tha Rama, ndërkohë që në dalje tek shkolla takoi një pjestar të stafit që ishte me PD. Teksa e përshëndeti me grusht i tha: “Ngushëllime për humbjen, por Shqipëria fitoi. Dhe po fitoi Shqipëria, fituar edhe ju!”./Opinion.al
