Mëngjesin e sotëm kryeministri Edi Rama ka ironizuar presidentin Ilir Meta përmes një videoje të postuar në “Facebook”.
Në këtë video dëgjohen deklaratat e presidentit në lidhje me masat anti-COVID si dhe nga ana tjetër shfaqen veprimet e kryetares së LSI, Monika Kryemadhi gjatë takimeve me qytetarët.
Krahas videos Rama shkruan “Oferta fituese për demokratët “Jepja Lulit e merr Monikën megjithë Ilirin!” dhe bota është e jotja”.
Kujtojmë se Presidenti dhe Kryeministri janë përfshirë në debate të ashpra pas miratimit të ndryshimit të Kodit Zgjedhor. Retorikat e tyre u ashpërsuan edhe më tepër kur Presidenti vendosi t’i drejtohej komisionit të Venecias për marrjen e një opinioni për ndryshimet në Kodin Zgjedhor./ Opinion.al
