Në fjalën e mbajtur në Bubq, ku dorëzoi çelsat e banesave të banorëve të prekur nga tërmeti i 26 nëntorit, Rama foli edhe për situatën në PD, për të cilën nuk i kurseu batutat dhe ironitë.
Kreu i qeverisë iu drejtua me një mesazh demokratëve duke thënë se ata do ta kujtojnë kur të futen në shtëpitë e rindërtuara, ndërsa shtoi se nuk do u ndahet demokratëve do ju qëndrojë pranë si hije për t’u dhënë dorën sa herë rrëzohen.
“Tani një gjë më vjen shumë mirë me ato demokratët sidomos, ata të bravave, që do hyjnë në shtëpi do hapin atë bravën dhe do më kujtojnë. Këtë nuk do e shmangin. Pastaj do më shajnë kur të më kujtojnë. Por do më shajnë rehat në shtëpinë e vet ulur atje duke parë televizor, hë mo se s’ka bo gjë, hë mo se lekët e popullit ishin. Hë mo se kush e di sa ka vjedhur, po ca kam vjedhur unë, e merr 3 dhoma e kuzhinë.
Sa e deshe? 30 dhoma me 7 kuzhina. Se më tha ai drejtori i shkollës këtu, që shkolla jonë ka më shumë banjo se sa ka gjithë komuna e Bubqit. Po sa banjo do kishe ti meqë të paskan kanë vjedhur, do t’i thonë të gjitha këto por prapë do t’u kujtohem. Për këtë jam në detyrë, për të lënë një emër të mirë, dhe për të mos u ndarë demokratëve si hije gjithë jetën. Ama jo hije për keq, por hije që kur rrezohesh e ke aty dhe të jep dorën e të thotë çohu se jemi bashkë”, tha Rama./Opinion.al
