Kryeministri Edi Rama ishte sot në Vlorë për bilancin e sezonit veror, ku u ndal tek ajo që quhet në zhargon “rruga e turpit” (byppass i Fierit që nisi në 2013 dhe sot e kësaj dite nuk ka perfunduar).
“E kam shumë të qartë që ndërkohë që ne flasim aty vazhdojnë komentet: po By-Pass-i i Fierit, po By-Pass-i i Fierit i cili na është bërë si ByPass-i i fytit nga sikleti. Sinqerisht përditë në fyt nga sikleti, sepse realisht është një legjendë katastrofike paaftësie, papërgjegjshmërie dhe korrupsioni”, tha kryeministri.
Më tej, ai shpjegoi: “Na është dashur të prishim komplet kontratën dhe të bënin gjithça nga e para me Bankën Europiane për Zhvillim. Tani procesi ka filluar dhe shpresojmë shumë që brenda disa javëve të na vijë përgjigjja përfundimtare e bankës, të lidhet kontrata dhe sezonin e ardhshëm ta gjejë rrugën e By-Pass të hapur për të qenë e kalueshme, nëse jo e përfunduar tërësisht. Kështu të kompletohet e gjithë lidhja me Vlorën”.
By passi i Fierit ështe autostrada Fier-Levan e gjatë 22 km, punimet per te nisën në vitin 2013. Fituese e tenderit asokohe ishte kompania italiane “Erenisima”. Kjo e fundit braktisi kantierin në 2016 pasi kishte shpenzuar më shumë se gjysmën e parave të parashikuara në tender. Rruga ka prodhuar edhe shume konflikte, pasi punetoret mbeten pa paguar dhe qytetaret pa u demshperblyer per token. Sakaq, ky aks pjese e autostrades se jugut, eshte shkaku kryesor i trafikut dhe aksidenteve.
