Radha e automjeteve që presin të kalojnë përmes kufirit të Kakavijës për në Greqi tashmë ka arritur në disa kolmetra. Kjo pas vendimit të autoriteteve greke për kërkaur testime të detyrueshme ndaj Covid dhe për të vendosur regjimin karantinë për të kthyerit pas datës 27 gusht.
Ministrja e Mbrojtjes Olta Xhaçka ka mbërritur në Kakavijë, pas bllokimit në një radhë kilometrikë të qytetarëve shqiptarë, ndërsa tha se po kujdesen që qytetarëve të mos u mungojnë nevojat bazike.
“Po bëjmë shumëçka që të gjithë qytetarëve të mos u mungojnë nevojat bazike. Jemi koordinuar me Ministrinë e Shëndetësisë për të sjellë mjekë dhe ambulanca për qytetarët që kanë nevojë dhe për të marrë masat për të krijuar kushtet higjieno-sanitare për të mos rrezikuar më shumë në kohë pandemie. Me ministrinë e Infrastrukturës kemi sjellë tualete të lëvizshme për ti ardhur në ndihmë qytetarëve dhe bashkë me bashkitë e Dropullit dhe Gjirokastrës po koordinojmë pajisjen me ushqim të të gjitha familjeve që janë në pritje”, tha Xhaçka për mediat.
Edhe pse ende nuk ka asnjë ndryshim të situatës në pikën kufitare të Kakavijës, Xhaçka tha se janë duke komunikuar me autoritetet greke për të zgjidhur situatën.”Është një situatë që për fat të keq që janë përballur jo vetëm vende jashtë BE por dhe vende të BE”, tha ajo.
“Ministria e Jashtme është duke komunikuar intensivisht me palën greke, për të bërë të mundur rritjen e testimeve deri në 330 tamponë për orë, por me perspektivën për ti shtuar edhe më këto kapacitete. Jemi në bisedime Intensive që orari i punës në pikën kufitare të zgjatet përtej orës 22:00 dhe puna të vijojë edhe natën. Kjo nuk është një situatë e vendosur vetëm për Shqipërinë, por mund t’ju them që jemi dukem marrë të gjitha masat që rregullat që ata kanë vendosur jo t’i zhbëjmë, por të bëjmë çfarë është e mundur që të shtojnë kapacitete dhe punojnë përtej orës së vendosur. Jemi këtu për të treguar vëmendjen maksimale të qytetarëve që kanë mbetur nga kjo anë e kufirit dhe jo nga ana tjetër. Është një situatë që për fat të keq që janë përballur jo vetëm vende jashtë BE por dhe vende të BE. Kjo është krijuar nga vështirësitë e pandemisë dhe po punojmë intensivisht që kjo situatë të zgjidhet një orë e më parë. Zgjatja e orarit dhe rritja e intensitetit të punës janë ende tema që po diskutohen intensivisht”, u shpreh ajo./Opinion.al
