Është zbuluar identiteti i punonjësit të Gardës, i cili pasditen e sotme ra nga podiumi gjatë kryerjes së detyrës, në kohën që kryeministri Rama po zhvillonte një takim me qytetarët e Belshit.
Ai është Mirian Bajramak, 32 vjeç, i cili pas incidentit dhe trajtimit të parë që ka marrë në ambulancën e Belshit, është përcjellë për një trajtim më të specializuar në Spitalin e Traumës në kryeqytet, ku i është nënshtruar menjëherë një ndërhyrje kirurgjikale.
Sipas mjekëve, efektivi i gardës ka dëmtime fizike nga rënia nga lartësia.
Ngjarja
Kujtojmë se gardisti Bajramaj ra nga një lartësi prej dy metrash.
Ngjarja ndodhi rreth 17:00 të ditës së sotme, sapo kryeministri Rama kishte mbaruar takimin me qytetarët në Belsh në kuadër të turit të llogaridhënies publike.
Të pranishmit kanë dëgjuar një zhurmë të fortë, teksa më pas kanë parë efektivin përtokë. Ai u mor me barelë nga vendi ku ra dhe u dërgua në qendrën shëndetësore të Belshit fillimisht e më pas drejt Spitalit të Traumës.
