Policia e Shtetit vazhdon të jetë në kërkim të trupit të djalit 20 vjeçar që ditën e djeshme ra në ujërat e lumit Erzen, gjatë një ekspedite në shpellën e Pëllumbasit.
Në një njoftim të fundit, policia njofton se polombarët vazhdojnë të mbeten në kërkim të trupit të djalit në grykën e Skuranës.
Kërkimet kanë filluar që prej ditës së sotme rreth orës 8.00, ndërsa po bëhet e gjithë krehja e zonës në një terren shumë të vështirë deri në në grykën e Skuranës.
Për këtë qëllim është devijuar edhe një pjesë e lumit me qëllim uljen e nivelit të tij, pasi rrjedha mbetet shumë e fuqishme dhe terreni është shumë shkëmbor dhe shumë i thepisur.
Përpos polombarëve të Reneas, një grup efektivësh të Stacionit të Policisë Farkë, kanë vijuar krehjen e shtratit të lumit nga të dyja anët, ku pjesë e kërkimeve ka qenë edhe vëllai i shtetasit që dyshohet i mbytur, i identtifikuar me gjeneralitet Xhorxho Seferi, 21 vjeç.
Sipas dinamikës së ngjarjes, Xhorxho Seferi, mendohet të jetë marrë nga rrjedha e lumit në kanion.
I riu përfundoi në lum diku rreth orës 12:15 minuta të mesditës së të shtunës, bashkë shokun e tij 21 vjeçarin Fabio Dukagjini, i cili fatmirësisht u nxor prej andej pa pasoja për jetën.
