Bota

Video/Qytetari spanjoll: Personave mbi 65 vjeç po u heqin respiratorin


               Publikuar në : 17:54 - 27/03/20 |
Al Do

Pas shpërthimit të pandemisë së koronavirusit në veri të Italisë, Spanja ishte vendi i dytë ku numri i të infektuarve u rrit me ritme shumë të shpejta.

Pamjet tragjike të kamionëve të ushtrisë italianë në Bergamo që transportonin arkivolët e viktimave u pasuan nga ato të qytetarëve të shtrirë në korridoret e spitaleve të tejmbushur të Spanjës.

Një video që ka qarkulluar së fundmi në rrjet tregon për pasojat e tmerrshme që po shkakton koronavirusi në Spanjë. Qytetari që flet në video thotë se në bazë të disa mesazheve që i kanë ardhur atij, në spitalet e Madridit qytetarëve mbi 65 vjec po i heqin respiratorët për t’ja vënë më të rinjve. Madje ai thotë se këta persona po injektohen për të vdekur më shpejtë. Ai i bën një apel të fortë qeveritarëve për të reaguar sa më shpejtë për këtë situatë pasi në të kundërt sic thotë ai ata do të akzohen për genocid.

Nuk dihen ende detaje mbi personin që ka shpërndarë këtë mesazh dhe për vërtetësinë e argumentit të tij. Megjithatë ajo që dihet është se Spanja është aktualisht vendi i dytë në botë për nga numri i viktimave që ka shkaktuar pandemia e COVID-19, 4,858 të vdekur nga të cilët 713 vetëm 24 orët e fundit. /Opinion.al

Pas