Një nuse indiane ka qëlluar me armë në dasmën e saj dhe është shpallur në kërkim nga Policia. BBC shkruan se ngjarja ka ndodhur në shtetin verior indian të Uttar Pradesh.
Një video në rrjetet sociale tregoi gruan duke qëlluar katër herë në ajër ndërsa ishte ulur pranë burrit të saj.
Policia lokale tha se ka regjistruar një çështje penale kundër gruas, e cila është zhdukur që nga ngjarja.
Të shtënat me armë gjatë dasmave janë të zakonshme në disa shtete veriore të Indisë dhe shpesh shkaktojnë lëndime dhe madje edhe vdekje aksidentale.
Sipas ligjit indian, kushdo që përdor një armë zjarri “në mënyrë të nxituar ose të pakujdesshme ose në festa”, duke vënë të tjerët në rrezik, mund të përballet me një dënim me burg ose gjobë ose të dyja.
Në vitin 2016, një gjykatë në kryeqytetin e Uttar Pradesh, Lucknoë, kishte urdhëruar që çdo rast i vrasjes aksidentale në festa duhet të hetohej pavarësisht nëse ishte paraqitur apo jo një denoncim në polici.
Sipas gazetës Times of India, videoja e nuses është regjistruar nga një i afërm, i cili e ka postuar edhe në rrjetet sociale.
Policia tha për gazetën se gruaja po “arratisej” sepse kishte frikë nga arrestimi./Opinion.al
#WATCH | Bride fires in air during wedding in UP’s Hathras, flees after case filed
(Video credit: Sumit Sharma) pic.twitter.com/fJ6S7WrAko
— TOIWestUP (@TOIWestUP) April 10, 2023
