Një vajzë e vogël siriane, me kokën e saj të fashuar pas një sulmi me bombë që hodhi në erë një autobus në qytetin e shkatërruar nga lufta Alepo, pavarësisht të gjithave kthen kokën nga kamera dhe buzëqesh.
Terroristët, të dielën, me shumë mundësi militantë të ISIS, vendosën një bombë në një grup autobusësh i cili po priste të transportonte refugjatët nga lufta.
Rreth 120 persona u vranë, gjysma e të cilëve ishin fëmijë, dhe shumë të tjerë mbetën të plagosur, mes të cilëve dhe kjo vajzë e vogël.
Pavarësisht plagëve në kokë dhe sy, ku i shpëtoi vdekjes, ajo gjen forcën të qeshë në videon e transmetuar nga agjencia e lajmeve siriane. Ajo ndodhet brenda një ambulance në pritje të mjekimit të mëtejshëm nga infermierët.
