Deputetja Ermonela Felaj e ftuar në emisionin “Opinion” ka folur mbrëmjen e së martës për çështjen e zgjedhjes së Kryeprokurores, një akt që opozita e kundërshtoi dhe e cilësoi antikushtetues.
E ndërsa seanca është shoqëruar me përplasje dhe konfrontime fizike mes deputetëve demokratë dhe punonjësve të gardës, socialistët kanë votuar emrin e Kryeprokurores, në një situatë aspak të zakontë.
Në këtë klimë, deputetja socialiste Felaj, ka nxituar të thotë që kjo është hera e parë në historinë e parlamentit shqiptar, që deputetët përplasen me punonjësit e gardës.
Po gazetari Blendi Fevziu, i ka kujtuar asaj një episod të kuvendit në vitin 2006, kur përsëriten skena të ngjashme, këtë radhë me socialistët në opozitë.
Por, Felaj është shprehur që ajo eka fjalën për parlamentin nga viti 2009 e pas, kohë kur është bërë pjesë edhe vetë, duke injoruar kështu një periudhë të gjatë të kuvendit pluralist shqiptar. Sepse me sa duket për zonjën Felaj, historia nis tek ajo vete.
Ndiqni më poshtë videon e vitit 2006 qe nxjerr zbuluar deputeten si dhe deklaraten e saj ne Opinion:
