Edhe pse gjykata duhet të jetë një nga ambientet më serioze, pasi është institucioni ku vendoset drejtësia, duket se për kryetaren e Gjykatës së Elbasanit nuk është kështu.
Sikurse shihet në videon e mëposhtëme kryetarja e gjykatës së Elbasanit, Enkeleda Kapedani, shfaqet teksa “sfilon” në ambientet e këtij institucioni.
Lidhur me publikimin e këtyre videove më herët ka reaguar edhe zyra e Inspektorit të Lartë të Drejtësisë, Artur Metani. Përmes një njoftimi ILD ka bërë me dije se ka kërkuar nisjen e hetimit disiplinor për magjistraten.
Zyra e Inspektorit të Larte të Drejtësisë u njoh me materialet filmike të shpërndara në media mbi magjistraten E.K, kryetare e Gjykatës Elbasan. Inspektori i Larte i Drejtësisë Artur Metani ka urdhëruar nisjen e hetimit disiplinor ndaj magjistrates për rastin”, thuhet në njoftim.
Ndërkohë mëngjesin e sotëm kryetarja e gjykatës së Elbasanit, Enkeleda Kapedani ka fshirë llogarinë në rrjetin social tik-tok.
Kujtojmë se Elbasani është një nga qytetet me numrin më të lartë të vrasjeve dhe atentateve të kryera muajin e fundit.
Para rreth një muaji qyteti u trondit nga një përplasje me armë ku humbi jetën Pjerin Xhuvani e u plagosën katër persona të tjerë, një ngjarje e rëndë që ndodhi vetëm dy ditë para zgjedhjeve të 25 prillit dhe në prani të dhjetëra efektivëve të policisë. Po ashtu një tjetër atentat i organizuar ishte ai i vrasjes pak javë më parë i Everest Çakës./Opinion.al
