Vladimir Putin i ka bërë një xhiro Kim Jong Un nëpër rrugët e Phenianit me një limuzinë luksoze, të cilën Presidenti rus ia dhuroi liderit të Koresë së Veriut sot pasi ata nënshkruan një marrëveshje të re gjithëpërfshirëse partneriteti që përfshinte një klauzolë të mbrojtjes reciproke.
Shefi i Kremlinit i dhuroi Kim-it automjetin e prodhuar nga autoprodhuesi rus Aurus.
Pamjet e marra nga rezidenca shtetërore Kumsusan në kryeqytetin e Koresë së Veriut treguan momentin kur Putin u ngjit në automjetin e rëndë për t’i ofruar shërbimet e tij si shofer Kim-it, i cili me padurim hipi në sediljen e pasagjerit.
Kim në këmbim i ofroi Putinit dhurata ‘shumë të bukura’, sipas ndihmësit të shefit të Kremlinit, Yuri Ushakov, duke përfshirë vepra të ndryshme arti dhe ‘buste’ që ishin ‘të punuara me mjeshtëri’, tha ndihmësi për mediat ruse.
