Përpos ndryshimit të klimës, ngrohja globale përfshin edhe një aspekt potencialisht shkatërrues për ekonominë dhe vetë jetën e vendeve që e pësojnë siç është pushtimi i karkalecave migratorë (Locusta migratoria).
Këto insekte po shndërrohen vitin e fundit “në makthin” e disa vendeve afrikane, si Kenia, Somalia dhe Etiopia. Sipas organizatës së Kombeve të bashkuara, turmat fillimisht kanë ardhur nga Yemeni, dhe po përhapen me shpejtësi edhe në Indi, Iran dhe Pakistan.
Ato mund të udhëtojnë edhe 150 kilometra në ditë, të grumbulluar në turma të mëdha dimensionet e të cilave mund të tejkalojnë edhe qindra metra katrorët, duke errësuar qiellin.
Për çdo metër katror, ndodhen mesatarisht 60 milionë insekte, ndërsa problematika më e madhe e këtij pushtimi është grykësia e tyre. Çdo karkalec mund të hajë çdo ditë peshën e tij trupore, që përllogaritet në dy gram. Kjo do të thotë që një tufë edhe e vogël mund të haj ushqimin e barasvlershëm për 35 mijë persona, ndërkohë që një e madhe, mund të zhdukë ushqimin e gjysmës së një vendi të madh europian, si Spanja, Franca, ose Italia.
Problemi thellohet edhe më pasi ato janë transportuar në vende me thatësirë dhe varfëri të tejskajshme, si vendet afrikane, gjë që mund të rrezikojë në muajt në vijim jetën e të paktën 4 milionë fëmijëve, sipas të dhënave të organizatave si FAO./Opinion.al
