Gjovan Ndoj, një nga 22 të arrestuarit i lënë i lirë nga Gjykata, në magazinës e drogës tregon arsyet se përse filloi punë aty. 47 – vjeçari sqaron se e kishte ditën e parë të punës, kur u arrestua nga policia. Ai shpjegon edhe procesin e punës që kryente dhe sa para përfitonte nga punëdhënësi.
“Kam qenë pa punë dhe jetoj me një përkrahje sociale. Ditën e parë që shkova, ditën e parë më kapën. Pastronin me kilogramë, një kilogramë ishte 20 mijë lekë.”
Kjo është Suela Bulica, edhe ajo punëtore në punishten e kanibisit, e cila po hetohet në gjendje të lirë. Sipas Bulicës, asaj i është thënë se në magazinë përpunohej bima e Sherbeles.
“Kam punuar edhe unë, për bukën e gojës. Më ka thënë se do punoja me sherebelë. Morëm vesh që kishte një punë thamë shyqyr, për të punuar për copën e bukës së gojës, se kam 3 fëmijë të vegjël”.
Ndërsa familjarët e të ndaluarve të tjerë kërkojnë lirimin e të afërmve të tyre. Ata thonë se të gjithë të ndaluarit janë punënorë dhe nuk kanë lidhje me pronarët e drogës.
“Jemi njerëz hallexhinj, njerëz fukarenj, të pastrehë, ku thërret qameti”.
“Unë kam dy çunat, dhëndrin, kanë shkuar të punojnë atje edhe i kanë thënë është lule. Kanë shkuar për një copë bukë për të punuar”.
Pavarësisht se të gjithë të ndaluarit, sipas hetuesve kishin disa muaj që punonin dhe paguheshin 2 mijë lekë të reja në ditë në magazinë, ata nuk njohin pronarin e lëndës narkotike.
Tv Klan
