Video/ Publikohen pamjet e personit që dogji makinën e Flori Mumajesit

Vetëm para pak minutash janë publikuar pamjet e momentit kur personi që ka vënë flakë në makinën e Flori Mumajesit ka hyrë në parking.
Në video duket personi i cili nuk është identifikuar endë duke hyrë në parkingun e pallatit tek sheshi “Wilson”.
Personi që duket në video i veshur me xhinse dhe xhup, mban në dorë një qese plastike ku mendohet të ketë fshehur benzinën. Ai hyn qetësisht në parking, aty ku ka zbrazur benzinën mbi makinën e këngëtarit, për arsye ende të panjohura dhe më pas i ka vënë flakën.
Pas këtij momenti, po ky persona shihet të dalë sërish nga parkingu, por kësaj herë s’ka gjë në dorë, ndërsa largohet me shpejtësi.
Më poshtë shihni videon që është kapur nga kamerat e sigurisë së parkingut.