Aksidenti i frikshëm që i mori jetën 23-vjeçares Elena Avdullaj dhe taksistit 63-vjeçar Bujar Agalliu, mbetet ende një mister. Çdo ditë dalin detaje të reja nga kjo ngjarje, ndëra ditën e sotme janë publikuar edhe pamjet e para nga momenti i përplasjes e cila rezultoi fatale.
Siç shihet në pamjet e siguruara nga Tv Klan, të cilat janë tashmë pjesë e dosjes hetimore të policisë së Durrësit, makina vjen me shpejtësi të madhe.
Përplasja është e fuqishme aq sa e ndan makinën në dysh.
Është ora 22:45 kur automjeti Mercedez-Benz godet me tabelën reklamuese të karburantit.
Më pas ajo përfundon disa metra më tutje.
