Shoferi i furgonit që transportonte nxënësit e shkollës në Maqellarë të Dibrës ka ushtruar dhunë ndaj dy fëmijëve pas një zënke banale në furgon. Një tjetër nxënës ka arritur të filmojë me celular rastin e rëndë të dhunës, duke bërë që shoferi të përfundojë në pranga.
Në video shihet shoferi që godet një djalë e më pas një tjetër vetëm se ky i dyti po qeshte. Shoferi dëgjohet të thotë: “Pse shoku jot jam unë?!”
Shoferi paraprakisht thuhet se ka qenë në gjendje të dehur dhe e kanë acaruar fëmijët e shkollës që po bënin zhurmë në furgon. Ministria e Brendshme doli në deklaratë dhe tha se rasti po hetohet me përparësi.
