Protestuesit e opozitës kanë nisur udhëtimin e tyre drejt Tiranës që në orët e para të mëngjesit. Policia po ushtron një monitorim të rreptë në të gjithë pikat kryesore të rrugëve, duke ndaluar mjetet dhe kontrolluar pasagjerët. Kjo situatë ka krijuar edhe acarime midis palëve, siç janë edhe këto pamje ku protestues nga Shkodra përplasen verbalisht me policinë. Pamjet filmike janë siguruar në Kryebushat.
Protestuesit pretendojnë se Policia po i ndalon qëllimisht për ti vonuar për të qenë të pranishëm në protestën që do të mbahet në orën 11.00 në Bulevard, ndërkohë që policia e konsideron një kontroll të nevojshëm për parandalimin e elementëve keqbërës. Dl/ Opinion.al
