Fermerët e zonës së Myzeqesë kanë zhvilluar ditën e sotme një protestë në vendin e quajtur rrethrrotullimi i “Plugut” në aksin rrugor Lushnjë-Rrogozhinë.
Ata kërkojnë nga qeveria plotësimin e kërkesave të tyre ekonomike, duke filluar nga subvencionimi për njësi prodhimi, lehtësimi e burokracirave, nxitja e eksporteve, si dhe barazimi i shkallës së TVSH-së në shitje me atë në blerje në sektorin e bujqësisë.
Por duket se situata ka agravuar në përplasje të forta fizike me policinë. Mësohet se efektivët kanë ndërhyrë për të mos lejuar bllokimin e rrugës./Opinion.al
