Protestat anti-raciste të nisura në Shtetet e Bashkuara pas vdekjes së George Floyd është përhapur tashmë edhe në vendet europiane, veçanërisht në Britaninë e Madhe.
Vëmendja e turmave protestuese po përqendrohet edhe te simbolet që ata mendojnë se janë të lidhura me racizmin.
Kështu, në qytetin e Bristolit, me dhjetëra protestues rrëzuan një statujë historike të vitit 1895 që i përkiste një filantropisti të njohur vendas, Edward Colston, i cili akuzohet se përgjatë shekullit të 17-të kishte transportuar rreth 100 mijë skllevër nga Afrika në Amerikë dhe Karaibet.
Manifestuesit, pasi rrëzuan statujën e bronztë e shkelmuan, e tërhoqën zvarrë dhe më pas e hodhën në ujërat e portit të qytetit.
Revolta e tyre ka bërë xhiron e rrjetit, duke patur komente të ndara, nga ata që bien dakord me gjestin tek ata që kritikuan vandalizmin mbi veprat historike./Opinion.al
A statue of a 17th-century slave trader was toppled in the UK city of Bristol as protests against police brutality and racism continued for a second day pic.twitter.com/KcQa2ApdwQ
— Reuters (@Reuters) June 7, 2020
