Policia e Shtetit ka nisur kontrollet e të rinjve, të cilët hyjnë në sheshin “Skënderbej”.
Në zbatim të aktit normativ për mos grumbullimin e më shumë se 10 personave në ambiente të hapura, policia ka nisur kontrollet e të gjithë të rinjve. Kontrolle të tilla vijnë jo vetëm për të shmangur grumbullimet duke kufizuar kështu përhapjen e koronavirusit, por gjithashtu dhe në kuadër të masave të marra për ruajten e sigurisë dhe rendit.
Kujtojmë që policia ka paralajmëruar se do të ndërhyjë në çdo rast që do të ketë grumbullime, ndryshe nga 5 ditët e para të protestës ku ka lejuar grupimet.
Ndërsa sot në orën 18:00 është paralajmëruar protestë, duket se në sheshin “Skënderbej” janë të paktë njerëzit. Ndërkaq, prej ditësh kryeqyteti është përfshirë nga protesta masive, nxitur nga vrasja e 25-vjeçarit Klodian Rasha./Opinion.al
