Kryetarja e LSI-së, Monika Kryemadhi u shpreh sonte se nga presioni i opozitës, Rama ndryshoi 90 për qind të kabinetit qeverisës. Sa i takon protestës së 16 shkurtit, ajo foli për një skenar rrethimi të Kryeministrisë. Gjate intervistës në “5 Pyetje nga Babaramo”, Kryemadhi u shpreh:
“Protesta do zgjasë sa të kenë dëshirë njerëzit. Njerëzit do ta vendosin vetë. Më të egër janë njerëzit sesa ne kundër Edi Rama. Në datën 16 fillon protesta dhe nuk do ndalemi më. Protesta o mund të jetë në gjithë Shqipërinë, mund të jetë o në të gjithë Tiranën…Mund të jetë ose rrethimi i Kryeministrisë…mund të jetë çfarë të doni ju. Do ketë variante nga më të ndryshmet”, tha Kryemadhi. Më herët Kryemadhi tha se opozita nuk do dilte në protestë për rrëzimin e Edi Ramës dhe marrjen e pushtetit, por të rilindur shpresën e shqiptarëve”.
